Drug suspect na pagbebenta ng shabu online, arestado sa buy-bust operation
Nasakote ang isang lalaki sa umano'y pagbebenta ng shabu online, sa isinagawang buy-bust operation sa Mariveles, Bataan, noong Lunes ng gabi
Kinilala ang suspek na si Art John Elquiero, na umaming nakikipagtransaksyon gamit ang kanyang Facebook Messenger account sa mga bumibili ng droga.
Nahuli si Elquiero sa aktong pagbebenta ng isang sachet ng hinihinalang shabu sa pulis na nagpanggap na buyer kapalit ng P200 marked money.
Sa isinagawang protective search, nakuha din sa suspek ang isa pang sachet ng shabu.
Inamin ni Elquiero na binibigyan siya ng P500 ng kanyang supplier sa kada P3,000 halaga ng drogang maibebenta niya.
Ngunit sinabi ng suspek na kasisimula niya lang magbenta online, kamakailan lamang umano.
Nahaharap si Elquiero sa kasong paglabag sa Comprehensive Dangerous Drugs Act.
No comments: