‘SAMPALIN KITA’ | Pres. Duterte, binantaan si UN Special Rapporteur Callamard

MANILA, Philippines – Muling tinira ni Pangulong Rodrigo Duterte si United Nations Special Rapporteur on summary executions Agnes Callamard.
Sinabi niyang kung pa-iimbestigahan daw siya ni Callamard, sasampalin niya ito.

“How can I get a fair hearing if you yourself does not even read the publications of your mother organization, United Nations,” sabi ni Duterte.
“I will slap her in front of you. Why? Because you are insulting me… Why? Because you yourself do not believe in the research of your own organization. You are f*cking me and I do not want it,” dagdag pa ni Duterte.
Matatandaang ni-retweet ni Callamard ang post ng psychology professor sa Amerika na si Dr. Carl Hart na wala raw ebidensyang nagreresulta sa pagiging bayolente o pagkakaron ng brain damage ang paggamit ng shabu – bagay na ikinagalit ng pangulo.

Binasa pa ng pangulo ang UN Report ng International Narcotics Control Board ng mga chemical na kadalasa’y ginagamit sa paggawa ng mga narcotic drugs.  Kabilang na nga rito ang marijuana at methamphetamine (shabu).
“Itong p***** Amerikano na ‘to.  Galing sa kanila ito, United Nations.  Ayaw nilang maniwala, they don’t believe that users of shabu are really violent persons.  They tend to fight it out,” sabi ni Duterte.

source: NEWS5